ئامارەکانی هاوسەرگیری لە هەرێمی کوردستان لە 2022
هاوسەرگیری خوار 18 ساڵ لە هەولێر و گەرمیان زیادی کردووە و لە سلێمانی و دهۆک کەمی کردووە
K24 - هەولێر:
رێکخراوی لێکۆڵەر و سندوقی هاوکاری نەتەوە یەکگرتووەکان بۆ دانیشتوان لە عێراق ئاماری گرێبەستەکانی هاوسەرگیرییان لە هەرێمی کوردستان بۆ ساڵی 2022 بڵاوکردەوە.
بە گوێرەی ئامارەکە، ساڵی رابردوو 55 هەزار و 896 گرێبەستی هاوسەرگیری واژۆ کراوە کە لەو ژمارەیە (%14.4) 8048ـیان هاوسەرگیری کەسانی خوار تەمەن 18 ساڵ بوون و (%85.6) 47848ـیان کەسانەی سەروو تەمەن 18 ساڵ بوون.
بە پێی ئەو ئامارە، رێژەی هاوسەرگیری کەسانی خوار تەمەن 18 ساڵ لە پارێزگای هەولێر و ئیدارەی سەربەخۆی گەرمیان زیادی کردووە و لە دهۆک و سلێمانی کەمی کردووە.
بەکۆی گشتی، بەراورد بە ئامارەکانی 2021، ساڵی رابردوو هاوسەرگیری خوار 18 ساڵ لە هەرێمی کوردستان بەرێژەی %2.6 زیادی کردووە.
سەبارەت بە ئاماری گرێبەستەکانی هاوسەرگیری لە پارێزگای هەولێر لە ساڵی رابردوو، ژمارەیان 19019 گرێبەست بووە کە %73ـیان گرێبەستی هاوسەرگیری سەروو تەمەن 18 ساڵ بوون، ئەوانیش ژمارەیان 13890 گرێبەستە و %27ـیان گرێبەستی هاوسەرگیری کەسانی خوار تەمەن 18 ساڵ بوون کە ژمارەیان 5129 گرێبەستە.
ئاماری گرێبەستەکانی هاوسەرگیری لە پارێزگا و ئیدارە سەربەخۆکانی دیکەی هەرێمی کوردستان:
- گرێبەستی هاوسەرگیری لە سلێمانی
کۆی گشتی 20147
(%5.2) 1111 خوار 18 ساڵ
(%94.8) 20053 سەروو 18 ساڵ
- گرێبەستی هاوسەرگیری لە دهۆک
کۆی گشتی 13441
(%11.1) 1435 - خوار 18 ساڵ
(%88.9) 11532 سەروو 18 ساڵ
- گرێبەستی هاوسەرگیری لە گەرمیان
کۆی گشتی 3110
(%13.6) 373 - خوار 18 ساڵ
(%86,4) 2373 - سەروو 18 ساڵ
ئاماری داواکاری جیابوونەوە لە سەر ئاستی هەرێمی کوردستان بۆ ساڵی 2022:
کۆی گشتی - 13967:
(%9) 1261 - خوار 18 ساڵ
(%91) 12706 - سەروو 18 ساڵ
- هەولێر
5645 کۆی گشتی
(%17.1) 966 خوار 18 ساڵ
(%82.9) 4679 سەروو 18 ساڵ
- سلێمانی
5533 - کۆی گشتی
(%2.1) 116 خوار 18 ساڵ
(%97.9) 5417 سەروو 18 ساڵ
- دهۆک
1992 - کۆی گشتی
(%2.8) 56 خوار 18 ساڵ
(%97.2) 1936 سەروو 18 ساڵ
- گەرمیان
797 کۆی گشتی
(%15.4) 123 خوار 18 ساڵ
(%84.6) 674 سەروو 18 ساڵ
ئاماری گرێبەستەکانی هاوسەرگیری لە هەرێمی کوردستان لە 2021:
کۆی گشتی - 18964
2844 ( %15) خوار 18 ساڵ
16120 ( %85) سەروو 18 ساڵ