ژمارهی كوژراوانی غهززه بۆ نزیكهی 28 ههزار بهرزبووهوه
K24 - هەولێر:
ژمارهی قوربانیانی هێرشهكانی سوپای ئیسرائیل بۆ سهر كهرتی غهززه بهرزبووه و سوپای ئیسرائیلیش له هێرشهكانی بۆ سهر كهرتهكه و چهكدارانی بزووتنهوهی حهماسی فهڵهستینی بهردهوامه.
ئهمڕۆ (چوارشهممه 7ـی شوباتی 2024) وهزارهتی تهندروستی فهڵهستین رایگهیاند، تادێ بههۆی هێرشهكانی سوپای ئیسرائیل بۆ سهر كهرتی غهززه ژمارهی كوژراوان و برینداران زیاتر بهرز دهبێتهوه و له ههمان كاتدا وهرزی زستان زهحمهتی زیاتری بۆ خهڵكی كهرتهكه دروست كردووه و برسییهتی زۆریش رووبهڕووی دانیشتووان بووهتهوه.
وهزارهتی تهندروستی فهڵهستین ئاماژهی بهوه كرد، بههۆی هێرشه بهردهوامهكانی ئیسرائیلهوه ژمارهی كوژراوان بۆ 27 ههزار و 708 كهس بهرز بووهتهوه، هاوكات ژمارهی برینداران گهیشتووهته 67 ههزار و 147 كهس. روونیشیكردووهتهوه 70%ـی قوربانییهكان منداڵ و ئافرهتن. باسی لهوهش كردووهش، له ماوهی 24 كاتژمێری رابردووا 123 هاووڵاتی فهڵهستینی گیانیان لهدهستداوه و 169ـی دیكهیش بریندار بوونه.
رۆژی 7ـی ئۆکتۆبەری 2023، چەکدارەکانی بزووتنەوەی حەماس هێرشێکی بەرفراوانیان کردە سەر ئیسرائیل، لە هێرشەکەدا زیاتر لە هەزار و 400 ئیسرائیلی کوژران و سەدانی دیکەش برینداربوون، هاوکات 240 هاووڵاتیی ئیسرائیل وەکو بارمتە لەلایەن حەماسەوە دهستبهسهر كران.