کەشناسیی هەرێمی کوردستان: سبەی پلەکانی گەرما بەرز دەبنەوە

K24 – هەولێر:

بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند، سبەینێ پلەکانی گەرما بە ڕێژەی (2-3) پلە بەراورد بە تۆمارەکانی ئەمڕۆ بەرز دەبنەوە.

ئەمڕۆ شەممە (1ـی حوزەیرانی 2024) بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندنی حکومەتی هەرێمی کوردستان، پێشبینی کەشوهەوای ئەمڕۆی بڵاوکردەوە و رایگەیاند، سبەی ئاسمان ساماڵ دەبێت و خێرایی با لەسەرخۆ دەبێت.

بەپێی ڕاگەیەندراوەکە، سبەینێ پلەکانی گەرما بە ڕێژەی (2-3) پلەی سیلیزی بەراورد بە تۆمارەکانی ئەمڕۆ بەرز دەبنەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 38 

سلێمانی: 37 

دهۆک: 36

کەرکوک: 40

هەڵەبجە: 38

زاخۆ: 37

سۆران: 35

حاجی ئۆمەران: 29

گەرمیان: 42