سەندیکای هونەرمەندانی عێراق داوای لابردنی پەنجەکەی بەغدا دەکات
سەندیکای هونەرمەندانی عێراق داوای لابردنی پەیکەری پەنجەکەی ناوچەی جادرییەی بەغدا دەکات.
سێشەممە 4ـی حوزەیرانی 2024، سەندیکای هونەرمەندانی عێراق بە نووسراوێکی فەرمیی بۆ دەستەی وەبەرهێنانی نیشتیمانی، داوای لابردنی پەیکەری ئەو پەنجەیە دەکات کە کەوتووەتە بەرامبەر یەکێ لە هۆتێلە گەورەکانی ناوچەی جادرییە لە ناوەڕاستی بەغدا.
وەک سەندیکای هونەرمەندانی عێراقی ئاماژەی بۆ کردووە، بۆ دانانی پەیکەری پەنجەکە ڕاوێژیان بە سەندیکای هونەرمەندان نەکردووە، ئەوەش پێچەوانەی ڕێنماییەکانی فەرمانگەی هەماهەنگی و کاروباری هاووڵاتییانی سەر بە ئەنجوومەنی وەزیرانی عێراقە.
سەندیکاکە دەڵێت، پەیکەری ئەو پەنجەیە، بۆتە هۆی ڕەخنە لەنێو هونەرمەندان و ڕۆشنبیراندا. هاوکات، پێگە کۆمەڵایەتییەکانی لە تۆڕی ئینتەرنێت داپۆشیوە کە لەگەڵ شارستانییەتی دۆڵی دوو ڕووبار ناگونجێت، هیچ بنەمایەکی هونەری و جوانیی تێدا نییە، داواش دەکات هۆشداریی بدرێتە وەبەرهێنەرەکەی ئەو پەیکەرە لابدا و کێبڕکێیەک لە نێوان هونەرمەندانی شێوەکاریی عێراقی کە بە بەرهەم و مێژووییان بەناوبانگن، ڕابگەیەندرێت بۆ دروستکردنی پەیکەرێکی دیکە لە جێی پەیکەری ئەو پەنجەیە، .
لە بەرامبەردا، دەستەی وەبەرهێنانی نیشتیمانیی عێراقی ڕوونکردنەوەیەکی بڵاو کردووەتەوە و ئاماژە بەوە دەکات، پرۆژەی ئەو هۆتێلە جیهانی وەبەرهێنانی ئاوەژوو کرد.
دەستەی وەبەرهێنانی نیشتیمانیی عێراقی دەشڵێت، ئەو پرۆژەیە هی دەستەی وەبەرهێنانی بەغدایە، نەخشە و هێلکارییەکانی ئەو هۆتێلە لە پسپۆریی ئەوانە وەک دەستە کە مۆڵەتی وەبەرهێنانی پێداوە لەگەڵ ڕەزامەندی.
دەستەی وەبەرهێنانی نیشتیمانی عێراقی دەڵێت، ڕێکاری پێویست وەردەگیرێت بۆ گفتوگۆکردن لەگەڵ دەستەی وەبەرهێنانی بەغدا دەربارەی ئەو یاسا و ڕێنماییانەی کە کاری وەبەرهێنان ڕێک دەخەن.
