عەممار حەکیم بە سەرۆکی نوێی هاوپەیمانی نیشتمانی شیعەکان دیارکرا

K24 - ھەولێر

سەرکردەکانی نێو هاوپەیمانی نیشتمانی شیعەکان بە تێکڕای دەنگ، عەممار حەکیم سەرکردەی ئەنجوومەنی باڵای ئیسلامییان وەک سەرۆکی نوێی هاوپەیمانیەتییەکە دەستنیشانکرد و ئیبراهیم جەعفەرییان لەو پۆستە لادا.

سەرکردەکانی هاوپەیمانی نیشتمانی لە نووسینگەی ئیبراهیم جەعفەری وەزیری دەرەوەی عێراق کۆبوونەوە و بڕیاریاندا هاوپەیمانێتییەکە بە دامەزراوەیی بکەن و رێگری لە تاکڕەوی لە حوکم کردن بكەن.

هاوپەیمانی نیشتمانی خاوەنی زۆرترین کورسییە لە پەرلەمانی عێراق و ژمارەی کورسییەکانی 185 کورسییە لە کۆی 328 کورسی.