عێراق سیستەمی بەرگری ئاسمانی "چیۆنگۆنگ-دوو" دەکڕێت
کۆمپانیای LIG Nex1 ی کۆریای باشوور کە بەرهەمهێنەری سیستەمی چەکی پێشکەوتووە، ئەمڕۆ هەینی 20ـی ئەیلوولی 2024، ڕایگەیاند، گرێبەستێکیان کردووە بە بەهای دوو ملیار و 78 ملیۆن دۆلار بۆ هەناردەکردنی سیستەمی بەرگری ئاسمانی چۆنگۆنگ- Ⅱ بۆ عێراق.
پاتری سیستەمی چیۆنگۆنگ-دوو لە چوار مووشەکی هەڵدانی گەڕۆک و هەشت لوولەی هەڵدانی مووشەکیی و ڕادارێکی بەکارخەری کۆنتڕۆڵی هەڵگرتووە، پێکدێت.
سیستەمی چیۆنگگونگ- Ⅱ ناوەندی ستراتیجی بەرگری مووشەکیی کۆریای باشوور پێکدەهێنێت، بۆ ڕێگریکردن لە مووشەک و فڕۆکە، ئەمەش بەتایبەت بۆ پاراستن لە هەڕەشەکانی کۆریای باکوور داڕێژراوە.
بەم شێوەیە عێراق دەبێتە سێیەم وڵات لە ڕۆژهەڵاتی ناوەڕاست، سیستەمی بەرگری ئاسمانی و مووشەکی بالیستی بکڕێت، لە دوای ئیمارات لە ساڵی 2022 و سعودییە لە مانگی شوباتی ئەم ساڵدا.
مووشەک و سیستەمی یەکگرتووی سیستەمی چیۆنگۆنگ-دوو لەلایەن کۆمپانیای LIG NexOne بەرهەم هێنراوە، کۆمپانیای هانوا سیستەم ڕادارەکە دابین دەکات، هانوا ئایرۆسپەیس مووشەک هەڵگر و ئۆتۆمبیلەکان بەرهەم دەهێنێت.
کۆمپانیای LIG Nex One هیوادارە جێگیرکردنی سیستەمی چیۆنگ-دوو کە لەسەر بنەمای تەکنەلۆژیای پێشکەوتوو دامەزراوە، لە تۆڕەکانی بەرگری ئاسمانی سێ وڵاتی ڕۆژهەڵاتی ناوەڕاستدا، ڕێگە خۆش بکات بۆ هەناردەکردنی سیستەمی موشەکیی ڕێگری مەودای دوور بۆ ئەم وڵاتانە.
