نرخی نەوت لە بازاڕەكانی جیھان

K24 - ھەولێر

له‌ كردنه‌وه‌ی بۆڕسی نه‌وتدا، دووجار نرخی نه‌وت هه‌ڵكشان و داكشانی به‌خۆوه‌دی، جاری یه‌كه‌م سی سه‌نت هه‌ڵكشا و پاش چه‌ند كاتژمێرێك، سی و یه‌ك سه‌نت داكشا.

له‌ دوا ئاڵۆگۆڕه‌كانی بازاڕی نه‌وتدا، نرخی نه‌وت 31 سه‌نت داكشا و یه‌ك به‌رمیل نه‌وتی برێنت به‌ 47 دۆلار و 98 سه‌نت فرۆشرا.

هه‌روه‌ها نرخی نه‌وتی خاوی ئه‌مه‌ریكا، 41 سه‌نت داكه‌وت و به‌های یه‌ك به‌رمیلی هاته‌ سه‌ر 45 دۆلار و 88 سه‌نت.

داكه‌وتنی نرخی نه‌وت په‌یوه‌ندی به‌ زۆربوونی نه‌وتی یه‌ده‌گكراوی ئه‌مه‌ریكا هه‌یه‌ له‌ هه‌فته‌ی رابردوودا به‌ بڕی 4 ملیۆن و 500 هه‌زار به‌رمیل هه‌روه‌ها زۆربوونی به‌رهه‌مهێنانی نه‌وت‌.