جێگرى پارێزگارى نەینەوا: دژی بهشداری حهشدی شهعبین له ئۆپهراسیۆنی مووسڵ
"ئهو ناوچانهی پێشمهرگه رزگاریكردوون رادهستی عێراق ناكرێنهوه"
.jpg)
K24 - ھەولێر
عهبدولقادر شنگالى جێگرى پارێزگارى نەینەوا له میانی بهشداریكردنی له بهرنامهی باسی رۆژی كوردستان24، رایگهیاند: "خهڵكی نهینهوا و ئهنجوومهنی پارێزگای نهینهوا به هیچ شێوهیهك رێگه نادهن حهشدی شهعبی بهشداری له ئۆپهراسیۆنی مووسڵدا بكات".
جێگرى پارێزگارى نەینەوا گوتیشی: "ئهوان پێشوازی له هێزهكانی پێشمهرگه و هێزه ئهمنییهكانی عێراق و یاخود ههر هێزێكی دیكه دهكهن كه به رێككهوتنێكی پێشوهخت بهشداری له پرۆسهی رزگاركردنی مووسڵدا دهكهن".
ههروهها عهبدولقادر شنگالى راشیگهیاند: "ههموو ئهو ناوچانهی كه به خوێنی سهدان پێشمهرگه رزگارکراون، ناوچهی كوردستانین و ههرگیز جارێكی دیكه رادهستی حكوومهتی عێراق ناكرێنهوه، تهنانهت دانیشتووانی ئهو ناچانهش جگه له هێزی پێشمهرگه رێگه به هیچ هێزێكی دیكه نادهن لهو ناوچانهدا بمێنێتهوه".