ته‌واوی چه‌كدارانی داعش له‌م گونده‌ی باشووری كه‌ركوك كوژران

K24 – هه‌ولێر

سه‌رچاوه‌یه‌ك له‌ پۆلیسی قه‌زا و ناحیه‌كانی كه‌ركوك به‌ كوردستان24 رایگه‌یاند كه‌مێك پێش ئێستا له‌ گوندی سه‌یاده‌ له‌ باشووری كه‌ركوك، چوار چه‌كداری داعش كوژران كه‌ خۆیان له‌ناو خانوویه‌كدا حه‌شار دابوو.

گوتیشی هێزه‌ ئه‌منییه‌كان گونده‌كه‌یان ئابلۆقه‌دا و چوار چه‌كداری داعشیان كوشت و ناوچه‌كه‌یان به‌ ته‌واوه‌تی له‌ چه‌كدارانی داعش پاك كرده‌وه‌ و ئه‌و‌ چه‌كدارا‌نه‌شی كه‌ كوژران دوا چه‌كداره‌كانی داعش بوون له‌م ناوچه‌یه‌.