له بارهى يهكينهكانهوه ئهنقهره داواى زهمانهت له ئهمريكا دهكات
له شهڕى رهققه زهمانهتى پێويست بدرێته توركيا.
K24 – ههولێر:
وهزيرى دهرهوهى توركيا مهولود چاوش ئۆغڵۆ داوايكرد، له بارهى بهشدارى كردنى ههندێك لايهن له شهڕى رهققه زهمانهتى پێويست بدرێته توركيا.
توركيا دژى ئهوهيه يهكينهكانى پاراستنى گهل ناسراو به يهپهگه و هێزهكانى سوورياى ديموكرات كه يهپهگه پێشڕهوييان دهكات بهشدارى له شهڕى رهققهدا بكهن.
چاوش ئۆغڵۆ گوتى: ئهمريكا پێى راگهياندووين ئهو هێزانه تهنيا له گهمارۆدانى رهققهدا بهشدارى دهكهن و ناچنه ناو شارهكهوه.
ههروهها گوتى: توركيا رێككارى تايبهت دهگرێته بهر ئهگهر هاتوو هاوپهيمانهكانى بهڵێنهكانى خۆيان بهجێ نههێنا له شارى منبج كه پێشتر توركيا داوايكردبوو، يهكينهكان له شارهكه بكشێنهوه و تا ئێستا به كردهوه نهكشاونهتهوه.
ئهنقهره پێى وايه يهكينهكانى پاراستنى گهل باڵێكى سهر به پارتى كرێكارانى كوردستانه و به هۆى پشتيوانى ئهمريكا له يهكينهكان نيگهران بووه.
نيگهرانييهكانى توركيا لهوهوه سهرچاوهيان گرتووه، پێشكهوتن و بههێزبوونى يهكينهكان له رۆژئاواى كوردستان كاريگهرى لهسهر پێگهى پارتى كرێكارانى كوردستان له باكوور درووست بكات.