كامهران يوكسهك: ههرێم دهتوانێت رۆڵى ئاشتى له توركيا بگێڕێت
ئهوان خۆشحاڵن كه ههرێمی كوردستان و توركیا له گفتوگۆدان.
K24 – دهۆك:
كامهران یوكسهك هاوسهرۆكی پارتی ههرێمه دیموكراتهكان (دهبهپه) رایگهیاند، ئهوان خۆشحاڵن كه ههرێمی كوردستان و توركیا له گفتوگۆدان.
گووتیشی ههرێمی كوردستان له پهیوهندییهكانی لهگهڵ توركیادا، دهتوانێت، رۆڵێكی كاریگهر ببینێت. بۆ چارهسهركردنی دۆزی كورد له توركیا.
يوكسهك روونيكردهوه، له ئێستادا له توركيا قڕكردنى سياسى و گرتن و لێدان و كوشتن له توركيا بهڕێوه دهچێت.
گوتيشى: ئهم ئۆپراسيۆنانه دهبێت ئيدانه بكرێن و ئێستا سهردهمى سياسهتى پهكهكه نييه و نابێت بهو شێوهيه وهڵام بدرێتهوه.
ههروهها گوتى: له ئێستادا 60 هاوسهرۆكى شارهوانى كورد دهستگيركراوون. له ماوهى ساڵێكدا نزيكى 10 ههزار كورد دهستگيركراوون. تهنانهت خودى خۆم له سێ جارى جياجيادا بۆ ماوهكانى پێنج ساڵ و شهش مانگ و چل رۆژ زيندانى كراووم.