برینداره‌كانی ته‌قینه‌وه‌كانی گۆگجه‌لی هێنراونه‌ته‌ هه‌ولێر

K24 - هه‌ولێر:

بریندارەكانی تەقینەوەكانی گۆگجەلی گواسترانەوە بۆ نەخۆشخانەی رۆژئاوای ھەولێر و كارمەندێكی نەخۆشخانەكەش گلەيی لە كەمی دەرمان و پێداویستی پزیشكی ھەیە و دەڵێیت: "وەك حكوومەتی عێراق ھاوكاریمان ناكات بۆ دابینكردنی پێداویستیيە پزیشكییەكان و بەردەوامیش دەرگامان بەڕووی بریندارەكان كراوەتەوە و ئەوەی لە توانامان دابێت ئەنجامانداوە".

یه‌كێك له‌و بریندارانه‌ی هێنراوه‌ته‌ نه‌خۆشخانه‌كه‌، مێردمنداڵێكه‌ ناوی ئەحمەدە و بەر هێرشە تیروریستەکەی ئەمڕۆ کەوتووە لە گۆگجەلی، ئەو بە تەنها لە گەڵ بریندارەکان رەوانە نەخۆشخانەی رۆژئاوای هەولێر کراوە و هیچ ژمارە ته‌لەفونێکیش نازانێ تا بنەماڵە کەی ئاگادار بکرێنەوە لە بارودۆخی ئەحمەد.

ئەو خاتوونەش دانیشتووی هه‌ولێرە بە گریانەوە باسی لەبارودۆخی ئەحمەد دەکرد, کە بێکەسە, ئەو نەخۆشەکەی خۆی بەجێهێشتوە و وەک ئەرکێکی مرۆیی ئاگای لە ئەحمەدە.