مامۆستایانی ناڕازی دەچنەوە ھۆڵەكانی خوێندن

K24 - سلێمانی

دوای سێ مانگ لە خۆپێشاندان و گردبوونەوە لە پارێزگای سلێمانی وهەڵەبجەو هەردوو ئیدارەی گەرمیان و راپەڕین لەبەیەننامەیەکدا مامۆستایانی ناڕازی بایکۆتیان شکاند و بڕیاریشیاندا بچنەوە هۆڵەکانی خوێندن.

مامۆستا دڵشاد میرانی یەکێکە لە ئەندامانی ئەنجوومەنی مامۆستایانی ناڕازی دوای 100 رۆژ لە خۆپێشاندان و ناڕەزایەتی دەربڕین دژی سیستمی پاشەکەوتی مووچە، دواجار بایكۆتیان شكاندو گەڕانەوە هۆڵەکانی خوێندن، مامۆستا دڵشاد بۆ کوردستان24 ئەوەی دووپاتکردەوە کە شکاندنی بایکۆت وگەڕانەوە بۆ ناو هۆڵەکانی خوێندن هەموو ناوچەکانی بایکۆت دەگرێتەوە.