دیداره‌كانی بارزانی له‌گه‌ڵ به‌رپرسانی وڵاتان له‌ په‌راوێزی كۆڕبه‌ندی ئابووری جیهان

K24 - داڤۆس:

ئه‌مڕۆ مه‌سعوود بارزانی سه‌رۆكی هه‌رێمی كوردستان له‌ په‌راوێزی كۆڕبه‌ندی ئابووری جیهانی داڤۆس، له‌گه‌ڵ ژماره‌یه‌ك له‌ سه‌رۆك و سه‌رۆكوه‌زیران و وه‌زیرانی ده‌ره‌وه‌ و به‌رگری وڵاتانی جیهان كۆده‌بێته‌وه‌.

سه‌رۆكی هه‌رێمی كوردستان، له‌ په‌راوێزی كۆڕبه‌ندی ئابووری جیهان، له‌ داڤۆس، له‌گه‌ڵ هه‌ریه‌ك له‌ وه‌زیرانی به‌رگری ئه‌ڵمانیا، هۆڵه‌ندا و وه‌زیری ده‌ره‌وه‌ی ئه‌رده‌ن، سه‌رۆكی كۆمپانیای شێڤرۆن، كۆبووه‌وه‌.

 كۆڕبه‌نده‌كه‌ رۆژی 17/1/2017 له‌ داڤۆس ده‌ستی به‌كاره‌كانی كردووه‌ و تا رۆژی 20 ئه‌م مانگه‌ به‌رده‌وام بێت، سه‌رۆكی هه‌رێمی كوردستانیش لە رێزی ئەو كەسانەدایە كە بەشداری لە باسە جیاوازەكانی كۆڕبەندەكەدا دەكەن.

بڕیاره‌ پانێله‌كه‌ی بارزانی، تایبه‌ت بێت به‌ عێراق و سووریا و پرسی به‌ره‌نگاربوونه‌وه‌ی داعش و هه‌ڕه‌شه‌كانی تیرۆریستان له‌ ناوچه‌كه‌.