ھێمن ھەورامی: پرسی سەربەخۆیی لەگەڵ ھاوپەیمانی نیشتیمانی باسكراوە

K24 - ھەولێر

ھێمن ھەورامی بەرپرسی پەیوەندییەكانی دەرەوەی پارتی دیموكراتی كوردستان بە كوردستان24 رایگەیاند دوو شاندی ھەرێمی كوردستان سەردانی بەغدا دەكەن بۆ تاوتوێكردنی كێشەكانی نێوان ھەرێمی كوردستان و بەغدا.

ھەورامی لە پەراوێزی كۆبوونەوەی ئەنجومەنی سەركردایەتی پارتی رایگەیاند كێشەكان ئاڵۆزتر بوونە و فیدراڵییەت شكستی ھێناوە، جگە لە سەربەخۆیی ھیچ چارەیەكی دیكە نییە و بە راشكاوی بە بەغداش گوتراوە.

لەبارەی ئەو كۆبوونەوەی بڕیارە لە مۆسكۆ دەربارەی ئایندەی كورد رێك بخرێ، ھەورامی رایگەیاند ھیچ بانگھێشتێكی فەرمییان بەدەست نەگەیشتووە، بەڵام ئەوان سیاسەتێكی نەگۆڕیان بەرامبەر ئایندەی رۆژئاوای كوردستان ھەیە.