كۆنفرانسی ئێزدیناسی لە ئەڵمانیا بەڕێوەدەچێت

K24 - ئۆلدەنبورگ

ئەمڕۆ شەشەمین كۆنفرانسی كوردانی ئیزدی لە ئەڵمانیا بەڕێوەدەچێت، تێیدا ژمارەیەك لە ئەكادیمی و مێژوونووس بەشدار دەبن و چەندین لێكۆڵینەوە لەبارەی ئێزدیناسی پێشكەش دەكرێن.

بەرگەشت ئاكرەیی پەیامنێری كوردستان24 لە ھۆڵی بەڕێوەچوونی كۆنفرانسەكە رایگەیاند: "لە كۆنفرانسی ئەمڕۆی كوردانی ئێزدی لە شاری ئۆلدەنبورگ لە ئەڵمانیا، كەسانی ئەكادیمی و مێژوونووس لە وڵاتانی ئەوروپا بەشداری دەكەن، چەندین لێكۆڵینەوە لەسەر ئیزدناسی پێشكەش دەكرێن".

پیر خدر ئەندامی كۆنفرانسەكە بە كوردستان24 گوت: "مەبەستی سەرەكی كۆنفرانسەكە ئەوەیە ئێزیدییەكان چۆن ئاین و كولتوور و دابونەریت و زمانی خۆیان بپارێزن".

بڕیارە ئەو كۆنفرانسە ماوەی دوو رۆژ بەردەوام بێت و چەندین لێكۆڵینەوە لەبارەی ئێزدییەكان پێشكەش كردووە.