لە بارەی مووچەوە وەزارەتی دارایی راگەیەندراوێك بڵاودەكاتەوە
K24 - ھەولێر
لە راگەیەندراوێكدا وەزارەتی دارایی و ئابووری حكوومەتی ھەرێمی كوردستان، داوا لە فەرمانگە و دامودەزگاكان دەكات، بە زووترین كات لیستی مووچەی مانگی 1 ئەمساڵ رەوانەی گەنجینەكان بكەن.
راگەیەندراوەكەی وەزارەتی دارایی كە وێنەیەكی بۆ كوردستان24 نێردراوە تێیدا ھاتووە: "وەزارەتی دارایی و ئابووری، داوا لە فەرمانگە و دام و دەزگاکانی وەزارەتەکانی حکومەتی ھەرێم دەکات، کە بەزووترین کات لیستی مووچەی مانگی (1)ی ساڵی (2017)، رەوانەی بەڕێوەبەرایەتی گەنجیەکان بکەن، بە مەبەستی وردبینی کردن و ئامادەکردنیان".
ئەمە لە كاتێكدایە بەھۆی قەیرانی دارایی لەماوەی دووساڵی رابردوودا مووچەی فەرمانبەران دواكەوتووە و تا ئێستاش مووچەی فەرمانبەران بە سیستمی پاشەكەوت دابەش دەكرێت.