كه‌سايه‌تييه‌ سياسييه‌كانى باكوور: سياسه‌تى سه‌رۆك بارزانى ناهێڵێت شكۆى كورد بشكێت

K24 – هه‌ولێر:

لە كاتێكدا داعش بووە ھەڕەشەیەكی راستەقینە، كورد بە یەكدەنگ رووبەڕووی بووەوە و سەركەوتنەكانی لە ھەموو جیھان دەنگیان دایەوە و كۆمەڵگەی نێودەوڵەتیش بەو ھۆیەوە متمانەیەكی زیاتری بە كورد بەخشی، بەڵام ئاخۆ ئەو ئاڵۆزییانەی لە شنگال لە نێوان پێشمەرگە و پەكەكە روویاندا كاریگەرییان چی دەبێت لەسەر پێگە و شكۆی كورد؟

سیاستەوانانی باکووری كوردستان جەخت دەكەنەوە، سەرۆك بارزانی بە سیاسەتەكەی رێگه‌ لە ئاڵۆزتربوونی كێشەكان دەگرێت و نایەڵێت پەرەبسەنێت و كار بكاتە سەر شكۆی كورد.