ده‌ست به‌سه‌ر 14 حاویه‌ ده‌رمانی به‌سه‌رچوودا ده‌گیرێت

K24 - هه‌ولێر:

وه‌زاره‌تی دارایی عێراق بلاویكردەوە له‌ به‌نده‌ری ئوم قه‌سر توانیویانه‌ ده‌ست بگرن به‌سه‌ر 14 حاویه‌ی ده‌رمان و پێداویستی پزیشكی ماوه‌ به‌سه‌رچوو.

وه‌زاره‌تی دارایی ئاماژه‌ی به‌وه‌ش كردووه‌ هه‌موو ئه‌و ده‌رمان و كه‌لوپه‌له‌ پزیشكیانه‌ ساخته‌كراون رێككه‌وتی ماوه‌ی به‌سه‌رچوونیان گۆڕاوه‌و له‌دره‌وه‌ی عێراقه‌وه‌ هاورده‌كرابوون.

وه‌زاره‌تی دارایی عێراق كه‌ هاوكات به‌رپرسی ده‌سته‌ی گومرگه‌كانیشه‌ لیژنه‌یه‌كی بۆ ئه‌م مه‌به‌سته‌ دروستكردووه‌ و ده‌ستی به‌سه‌ر هه‌موو باره‌كاندا گرتووه‌ تاو ئه‌و كاته‌ی دۆسیه‌كه‌ یه‌كلایی ده‌بێته‌وه‌.