نزیكەی 5 ھەزار كەس لە دەستی داعش رزگار دەكرێن
ھێزەكانی ھەسەدە گەمارۆی تەبقەیان داوە
K24 - تەبقە
هێزەکانی سووریای دیموکرات نزیکەی پێنج هەزار هاووڵاتیان لە شاری تەبقە لە دەستی داعش رزگارکرد.
پەیامنێری کوردستان24 کە رووماڵی ئۆپەراسیۆنی شەڕی رەققە دەکات لە بەرەكانی شەڕ رایگەیاند: "لە ئەنجامی نزیکبوونەوەی شەڕڤانانی هەسەدە لە کۆنتڕۆڵکردنەوەی تەبقە، نزیکەی 5 هەزار هاووڵاتی خۆیان گەیاندە لای ھێزەكانی هەسەدە و لەوێشەوە بۆ ناوچەی وەهاب گوازرانەوە".
ئۆپەراسیۆنی کۆنتڕۆڵکردنەوەی تەبقە لە 21 مانگی ئاداری رابردووەوە دەستیپێرکرد و تا ئێستا رووبەرێکی فراوان کۆنتڕۆڵکراوەتەوە، شەڕڤانانی لە هەموو لایەکەوە گەمارۆی شارۆچكەكەیان داوە.