رێگای چۆمان - رانیە داخرا
فڕۆكە جەنگییەكانی توركیا بارەگاكانی پەكەكە لە بناری قەندیل بۆردوومان دەكەن
K24 - سۆران
بەھۆی بۆردوومانی فڕۆكە جەنگییەكانی توركیا بۆ سەر بارەگاكانی پەكەكە لە بناری قەندیل رێگای چۆمان - رانیە داخرا.
پەیامنێری كوردستان24 لە دەڤەری سۆران رایگەیاند: "فڕۆكە جەنگییەكانی بارەگاكانی پارتی كرێكارانی كوردستان "پەكەكە" لە گوندی باوان و چیای كورتەك بۆردوومان دەكەن، بەم ھۆیەوە رێگای نێوان چۆمان- رانیە داخرا".
گوتیشی: "بەھۆی بۆردوومانی سەخت و نەبوونی ھاتووچۆ بۆ ناوچەكە تا ئێستا زەرەر و زیانی بۆردوومانەكە نەزانراوە".
چەند ساڵێكە بەھۆی بوونی بارەگاكانی پەكەكە، ئەو ناوچەكانی بناری قەندیل و چەند دەڤەرێكی دیكەی باشووری كوردستان، لەلایەن توركیاوە بۆردوومان دەكرێن، تا ئێستاش ژمارەیەك ھاووڵاتی ناوچەكە بەوھۆیەوە بوونەتە قوربانی، ھەندێكی دیكەش ناچاربوونە گوندەكانیان جێ بھێڵن.