نێچيرڤان بارزانى لهگهڵ پوتن پرسه ئابوورييهكان و شهڕى تيرۆر تاوتوێدهكات
سهرۆكى رووسيا ڤلاديمێر پوتن و سهرۆك وهزيرانى ههرێمى كوردستان نێچيرڤان بارزانى كۆدهبنهوه.
K24 – ههولێر:
يورى يوشاكۆڤ، راوێژكارى سهرۆكى رووسيا ڤلاديمێر پوتن رايگهياند، له ميانهى كارهكانى كۆڕبهندى ئابوورى جيهان له سانتپترسبێرگ، سهرۆكى رووسيا ڤلاديمێر پوتن و سهرۆك وهزيرانى ههرێمى كوردستان نێچيرڤان بارزانى كۆدهبنهوه.
ئهمڕۆ چوارشهممه 31ى ئايار/ مايۆى 2017، يوشاكۆڤ، به رۆژنامهوانانى راگهياند، له ميانهى كارهكانى كۆڕبهندى ئابوورى جيهانى ڤلاديمێر پوتن و نێچيرڤان بارزانى كۆدهبنهوه.
له بارهى تهوهرى كۆبوونهوهكهوه، ئهو راوێژكارهى پوتن ئاشكرايكرد، بهرهنگاربوونهوهى تيرۆر و قهيرانى سووريا و پرسه ئابوورى و بازرگانييهكانى نێوان ههردوولا تاوتوێدهكرێن و جهختيشى لهسهر ئهوه كردهوه، كه له كۆبوونهوهكهدا سهرنجى زۆرتر دهخرێته سهر پرسه ئابوورييهكانى نێوان ههردوولا.
ئهمڕۆ نێچيرڤان بارزانى و شاندێكى ياوهرى گهيشتنه سانتپترسبێرگ به مهبهستى بهشداريكردن له كۆڕبهندى ئابوورى جيهانى، كه بڕياره به بهشدارى دهيان سهركرده و سهرۆكى وڵاتانى جيهان له سانپترسبێرگى رووسى بهڕێوهبچێت و سبهى يهكهم رۆژى كارهكانى دهبێت.
