له باره‌ى پاشه‌كه‌وتى موچه‌وه حكومه‌ت و سه‌رۆك فراكسيۆنه‌كان كۆده‌بنه‌وه
بڕیاریشه له‌ماوه‌ی دوو رۆژی داهاتوودا ئه‌م كۆبوونه‌وه‌یه ئه‌نجام بدرێت
K24 – هه‌ولێر:
بێگه‌رد تاڵه‌بانی سكرتێری په‌رله‌مانی كوردستان رایگه‌یاند، له سه‌ر پرسی پاشه‌كه‌وتی مووچه‌ی فه‌رمانبه‌ران و سندووقی داهاته نه‌وتییه‌كان داوامان له حكومه‌تی هه‌رێمى كوردستان كردووه كۆبوونه‌وه‌یه‌كی هاوبه‌ش له‌گه‌ڵ سه‌رۆكی فراكسیۆنه‌كان و لیژنه په‌یوه‌ندیداره‌كان ئه‌نجام بدات.
بڕیاریشه له‌ماوه‌ی دوو رۆژی داهاتوودا ئه‌م كۆبوونه‌وه‌یه ئه‌نجام بدرێت و چاره‌سه‌رێك بۆ سیسته‌می پاشه‌كه‌وتی مووچه‌ی فه‌رمانبه‌ران بدۆزرێته‌وه.
