سێ فراكسیۆنی كوردستانی بەشداری لە كۆبوونەوەی پەرلەمانی عێراق دەكەن
فراكسیۆنی پارتی و ژمارەیەك پەرلەمانتاری یەكێتی بایكۆتاییان كردووە
K24 - بەغدا
ھەرچەندە پێشترە راگەیەندرابوو كە فراكسیۆنە كوردستانییەكان بەشداری لە كۆبوونەوەی ئەمڕۆی پەرلەمانی عێراق ناكەن، بەڵام ھەر یەك لە فراكسیۆنەكانی یەكێتی و گۆڕان و كۆمەڵ، بەشداریان لە كۆبوونەوەكە كردووە.
پەیامنێری کوردستان24 لە بەغدا رایگەیاند، کۆبوونەوەی پەرلەمانی عێراق دەستیپێکردووە و هەریەك لە فراکسیۆنەکانی بزووتنەوەی گۆران، یەکێتی نیشتمانی کوردستان و کۆمەڵی ئیسلامی کوردستان بەشدارییان لە کۆبوونەوەکەدا کردووە.
ئاماژەی بەوەشدا، فراکسیۆنی پارتی دیموکراتی کوردستان و بەشێک لە پەرلەمانتارانی یەکێتی بایکۆتی کۆبوونەوکەیان کردووە.
بڕیارە لە کۆبوونەوەی ئەمڕۆدا دەنگدان لەسەر هەموارکردنەوەی یاسای کۆمسیۆنی باڵای هەڵبژاردنەکان و دیاریکردنی سەرۆك و ئەندامانی کۆمسیۆن بدرێت.