4 سەربازی توركیا كوژران و 4 گەریلای پەكەكەش گیانیان لە دەستدا

K24 - ھەولێر

بەھۆی شەڕ و پێكدادان لە ناوچەی شەمزینانی سەر بە پارێزگای جۆلەمێرگ 4 گەریلای پەكەكە گیانیان لە دەستدا و 4 سەرباز و ئەندامی ھێزە ئەمنییەكانی توركیا كوژران.

بە گوێرەی زانیارییەكان سەرلەبەیانی ئەمڕۆ لە گوندەكانی سنووری شەمزینانی سەر بە جۆلەمێرگ شەڕ لە نێوان ھێزە ئەمنییەكانی توركیا و گەریلاكانی پارتی كرێكارانی كوردستان (پەكەكە) روویداوە و لە ئەنجامدا 4 گەریلای پەكەكە گیانیان لە دەستدا و 4 سەرباز و ئەندامی ھێزە ئەمنییەكانی توركیاش كوژراون.

ھەر بەپێی زانیارییەكان ھێزەكانی توركیا بە ھەلیكۆپەتەر و ھێزی زەمینی ئۆپەراسیۆنی دژی پەكەكە لە ناوچەی شەمزینان ئەنجامداوە.