عەبادی و جبووری كێشەكانی نێوان ھەولێر و بەغدا تاوتوێ دەكەن

K24 - ھەولێر

سەرۆك وەزیران و سەرۆکی ئەنجوومەنی نوێنەرانی عێراق جەخت لەسەر چارەسەرکردنی کێشەکانی نێوان هەولێر و بەغدا دەکەنەوە.

هەریەکە لە حەیدەر عەبادی و سەلیم جبووری لەبارەی دوا پێشهاتەکانی ناوخۆیی و دەرەکی کۆبوونەوە و لە بەیاننامەیەکدا نووسینگەی سەلیم جبووری لەبارەی ناوەرۆكی كۆبوونەوەكە رایگەیاندووە، هەردوولا لەسەر کرانەوەی عێراق بەلای وڵاتانی دراوسێ رێککەوتن.

لە بەیاننامەکەدا هاتووە، عەبادی و جبووری گفتوگۆیان لەسەر کۆتایی هێنان بە قەیرانەکان و بە تایبەتیش كێشەكانی نێوان هەولێر و بەغدا كرد كە بە زووترین کات چارەسەر بکرێت.