کورد پۆستێکی دیکەی لە كەركووك لەدەستدا
پۆستەكە رادەستی توركمانێكی شیعە دەكرێت
K24 - ھەولێر
بەبێ گەڕانەوە بۆ یاسا و رێككەوتنی سیاسی ئەمڕۆ توركمانە شیعەكان، بەڕێوەبەرێكی كورد لە سنووری كەركووك لە پۆستەكەی لادەدەن و كەسێكی دیكەی شیعە لە شوێنی ئەو دەست بەكار دەبێت.
بەڕێوبەری فەرمانگەی کشتوکاڵی کەرکووك مەهدی کاکەیی کە ئێستا لە هەولێر نیشتەجێیە، بەکوردستان24 گوت: "ئەمڕۆ تورکمانە شیعەکانی قەزای داقوق، بەڕێوبەری کشتوکاڵی قەزاکەیان گۆڕیووە بە کەسێکی تورکمانی شیعە".
مەهدی کاکەیی گوتیشی: "بەڕێوبەری كشتوكاڵى داقوق ناوی (ئازاد عەبدوڵڵایە) ئەمڕۆ پێ راگەیەندراوە کە نەگەڕێتەوە سەر دەوامەکەی بەبێ ئەوەی هۆکارەکەی پێ بڵێن".
راشیگەیاند: "لەشوێنی ئەو كەسێکى توركمانی شيعيان داناوه به ناوى عەباس فەخرەدين".