سه‌رۆك كۆمار بۆ به‌شداریكردنی پرسه‌ی دلۆڤان بارزانی گه‌یشته هه‌ولێر
باس له په‌یوه‌ندییه‌كانی نێوان خۆی و سه‌رۆك بارزانی ده‌كات
K24 - هه‌ولێر:
شاندێكی باڵای عێراق بە سەرۆكایەتی فوئاد مەعسوم، سەرۆك كۆماری عێراق گەیشتە ھەولێر بۆ بەشداریكردن لە پرسەی دلۆڤان ئیدریس بارزانی.
لە فڕۆکەخانەی نێودەوڵەتی هەولێر، سەرۆك كۆماری عێراق لە لێدوانێکیدا بۆ کوردستان 24 رایگه‌یاند، ھاتوون ھاوخەمی خۆیان بە سەرۆك بارزانی و نێچیرڤان بارزانی رابگه‌یه‌نن و لە نزیكەوە بەشداری لە پرسەی خوالێخۆشبوو دلۆڤان بارزانی بكەن.
دلۆڤان بارزانی، له مانگی ئه‌یلوولی ساڵی 1966 له ناوچه‌ی بارزان له دایكبووه و له‌گه‌ڵ نێچیرڤان بارزانی دووانه (جمك) بوون و هیچ پۆستێكی فه‌رمی حزبی و حكوومی نه‌بوو، به‌ڵام له كاروباری كۆمه‌ڵایه‌تیدا نوێنه‌رایه‌تی نێچیرڤان بارزانی كردووه.
له رۆژی 2ی نیسان، به هۆی جه‌ڵته‌ی دڵه‌وه له شاری هه‌ولێر كۆچی دوایی كرد و ته‌رمه‌كه‌ی له بارزان به خاك سپێردرا، تا رۆژی پێنجشه‌ممه، 5ی نیسان پرسه‌كه‌ی به‌رده‌وام ده‌بێت.
ا. م
