نوێترترین بەرهەمی کەڵاشنیکۆڤ نمایشکرا

K24 – هه‌ولێر:

کۆمپانیای کەڵاشنیکۆڤ(کڵاشینکۆف)ی رووسی نوێترین بەرهەمەکانی کە رۆبۆتی جەنگی  و چەکی پێشکەوتووی تیدایە نمایشکرد.

لە پێشانگای سەربازی نێودەوڵەتی مۆسکۆ کە تیایدا 700 جۆر چەک و ئامرازی جەنگ نمایشکران، کەڵاشنیکۆڤ بەڕۆبۆتێکی جەنگی ئامادەبوانی سەرسامکرد.

بەگوێرەی هەواڵێکی ئاژانسی ئاڕ تی رووسی، رۆبۆتەکە دەتوانێت بە خێرایی 100 کیلۆمەتر لە کاتژمێرێکدا بە چوار سەرنشینەوە رێبکات. خاوەنی بزوێنەرێکی ئەلیکترۆنییە و دەتوانێت لە کەشوهەوای نالەباردا وەک جەنگاوەرێک کارەکانی بکات.

لەگەڵ نمایشی رۆبۆتەکە، کەڵاشنیکۆڤ چەکە ناودارەکەی بەناوی (ئەی کەی) گەشەپێداوە و لە نوێترین کاریشیاندا دووربین و قۆناخی جێگۆڕکی بۆ زیادکراوە، ئەمەش جیا لەوەی شێوە و دیزاینێکی نوێیان پێبەخشیوە.

بڕیارە ساڵی داهاتوو بەرهەمە نوێکانی کۆمپانیای کەڵاشنیکۆڤ بدرێنە سوپای رووسیا و سەربازانیان پێ ئاشنا بکرێت.

‌H.J