مووچە دابەش دەكرێت

K24 - ھەولێر

ئەمڕۆ وەزارەتی دارایی حكوومەتی ھەرێمی كوردستان دەست بە دابەشكردنی مووچەی مانگی حوزەیرانی 2018 دەكات و مووچەی وەزارەتی پێشمەرگە وەك یەكەم وەزارەت دابەش دەكرێت.

سەرچاوەیەكی ئاگادار لە وەزارەتی دارایی بە كوردستان24 راگەیاند: "ئەمڕۆ دەست بە دابەشكردنی مووچە دەكرێت و مووچەی دیوانی وەزارەتی پێشمەرگە و یەكەكانی 70 و 80ی ھێزی پێشمەرگە دابەش دەكرێت".

سەبارەت بە دابەشكردنی مووچەی وەزارەت و دەستەكانی دیكە سەرچاوەكە ئاماژەی بەوەدا: "تائێستا دیارنییە سبەی پێنجشەممە مووچەی وەزارەتی پەروەردە دابەش دەكرێت یان ھەفتەی داھاتوو، بەڵام وەك مانگەكانی دیكە دابەشكردنی مووچەی ھەموو وەزارەت و دەستەكان بەردەوام دەبێت".

ھ.م