تورکیا گەمارۆی سەر فڕۆکەخانەی سلێمانی درێژکردەوە

K24 – هه‌ولێر:

حكومه‌تی توركیا بڕیارێكی نوێی له‌باره‌ی ده‌ستپێكردنه‌وه‌ی گه‌شته‌كان بۆ فڕۆکەخانەی سلێمانی ده‌ركرد و بەگوێرەی ئەو بڕیارەش، گەمارۆکانی سەر فڕۆکەخانەی سلێمانی تا سێ مانگی دیکە لە لایەن تورکیاوە درێژکراوەتەوە.

لە لێدوانێکیدا بۆ کوردستان24، تاهیر عەبدڵڵا، بەڕێوەبەری فڕۆکەخانەی سلێمانی، رایگەیاند: "لەمڕۆوە تا سێ مانگی دیکە تورکیا گەمارۆکەی درێژکردۆتەوە و بەغداش هیچ هەنگاوێکی بە ئاراستەی کردنەوەی گەشتەکانی سلێمانی نەناوە".

 

لەدوای ئەنجامدانی ریفراندۆمی سەربەخۆی کوردستان، گەشتە ئاسمانییەکانی نێوان هەرێمی کوردستان و تورکیا راگیران، بەڵام تورکیا بەبیانووی هاوکاریکردنی "تیرۆرستان" لەلایەن چەند پارتێکی سیاسی شارەکە، رەتیکردەوە گەمارۆی سەر فڕۆکەخانەی سلێمانی هەڵبگرێت. 

H.J