د. کەمال : لە کەرکوکەوە خەڵک بۆ دەنگدان دەهێندرێنە چەمچەماڵ و سلێمانی

K24 – هه‌ولێر:

د، کەمال کەرکوکی، بەرپرسی ئەنجوومەنی سەرکردایەتی پارتی لە کەرکوک – گەرمیان، هەوڵێکی ساختەکاری ئاشکرادەکات و دەڵێت، خەڵکێکی زۆری شاری کەرکوک بەمەبەستی دەنگدان رەوانەی شاری چەمچەماڵ کراون.

د. کەمال کەرکوکی لەوبارەیەوە بە کوردستان24ی راگەیاند: "خەڵکێکی زۆر لە شاری کەرکوک بە پاس و بەمەبەستی بەشداریکردن لە دەنگدان رەوانەی شاری سلێمانی، چەمچەماڵ و دەوروبەری کراون".

سەرۆکی ئەنجوومەنی پارتی لە کەرکوک- گەرمیان دەشڵێت: "پێچەوانەی رێنماییەکانی کۆمسیۆن، هێشتا هاتووچۆ لە نێوان شارەکانی کەرکوک، سلێمانی و چەمچەماڵ ئەنجام دەدرێن".

پێشتریش فەرمان مەجید، بەرپرسی مەکۆی بزووتنەوەی گۆڕان لە شاری چەمچەماڵ بە کوردستان24 راگەیاندبوو: "خەڵکێکی زۆری سەربازیی بە ناسنامە و رەگەزنامەی ساختەی عێراقی هێنراونەتە شارەکە و هەوڵی تەزویرکردن دەدرێت".

فەرمان مەجید گووتیشی: "هەوڵی ساختەکاری جددی هەیە و چەند حاڵەتێکی ساختەکاری ئاشکراکراوە کە بەرواری رۆژی لە دایکبوون لەسەر بەڵگەنامەکانیان جیاوازی هەبووە".

H.J