كۆمسیۆن راگەیەندراوێك بڵاودەكاتەوە

K24 - ھەولێر

كۆمسیۆنی باڵای ھەڵبژاردن و راپرسی ھەرێمی كوردستان راگەیاندراوێكی بڵاوكردەوە و رایدەگەیەنێت، دوای یاكلاكردنەوەی سكاڵاكان ئەنجوومەنی كۆمسیاران ئەنجامەكان رادەگەیەنێت.

لە راگەیەندراوەكەی كۆمسیۆن ھاتووە: "ئەو ژمارانەی لە كەناڵەكانی پارت و لایەنە سیاسییەكانەوە سەبارەت بە ئەنجامەكان بڵاودەكرێنەوە فەرمی نین. ئەنجامی بەرایی لەلایەن ئەنجوومەنی كۆمسیارانەوە، دوای یەكلاكردنەوەی سەرجەم سكاڵاكان رادەگەیەندرێت".

پێشتر شێروان زرار، گوتەبێژی کۆمسیۆنی باڵای هەڵبژاردن و راپرسی هەرێمی کوردستان بە كوردستان24ی رایگەیاندبوو: "لەکۆی 1260 بنکەی دەنگدان، ئەنجامی 947 بنکەی دەنگدان یەکلایی کراونەتەوە و دەنگدانی 313 بنکەی دیکە ماون، ئومێد دەكەین تا ئێوارەی ئەمڕۆ بتوانین ئەنجامی ھەموو بنكەكانمان پێبگات".