زنجیرەیەك تەقینەوە لە بەغدا روویاندا

K24 - ھەولێر

لە زنجیرە تەقینەوەیەكدا لە بەغدا، 8 كەس كوژران و 16ی دیكەش بریندار بوون.

میدیاكانی عێراق بە پشت بەستن پۆلیسی بەغدا بڵاویان كردووەتەوە، پێنج تەقینەوەی بەدوای یەك  لە گۆڕەپانەكانی عەدەن و گەڕەكی سەدر و ناوچەی مشتەل و حەبیبە و شوعلە روویانداوەو، 8 كەس كوژران و 16 ی دیكەش بریندار بوونە.

تا ئێستا ھیچ لایەن و گرووپێك بەرپرسیاریەتی خۆیان لەو تەقینەوانە رانەگەیاندووە و پۆلیسی بەغداش خراوەتە ئامادەباشی.

ئەمە لەكاتێكدایە كە چەند رۆژێكە چەكدارانی داعش ژمارەیەك تەقینەوە و پەلاماریان لە عێراق ئەنجامداوە.