ئەوروپا چووە بەرەی ئێرانەوە

K24 – هه‌ولێر:

یەکێتی ئەوروپا، فەرەنسا، ئەڵمانیا و بەریتانیا لە بەیاننامەیەکی هاوبەشدا دژایەتی خۆیان بۆ سزاکانی سەر ئێران دەربڕی و دەڵێن ئەوان پارێزگاری لە کاری یاسایی کۆمپانیا ئەوروپییەکان لە ئێران دەکەن.

بەگوێرەی هەواڵێکی ئاژانسی هەواڵی رۆیتەرز، ئەو وڵاتە ئەوروپییانە لەبارەی سزاکانی سەر ئێران رایانگەیاندووە: "ئامانجی ئێمە ئەوەیە پارێزگاری لە ئاڵۆگۆڕی بازرگانی کۆمپانیا ئەوروپییەکان و بڕیاری 2231ی ئەنجوومەنی ئاسایشی نەتەوە یەکگرتووەکان (تایبەتە بە لابردنی سزاکانی ئێران) بکەین".

ئەمڕۆ سزاکانی سەر ئێران لەلایەن ئەمریکاوە گەڕێندرایەوە و ئێرانیش سوورە لەسەر ئەوەی نەوتەکەی بفرۆشێت و رووبەڕووی ئەمەریکا ببێتەوە.

پێشتریش، حەسەن رۆحانی، سەرۆککۆماری ئێران رایگەیاندبوو کە ئەوروپا پشتگیری لە ئێران دەکات.

 H.J