ئاگر لە بازاڕی قەیسەری كەركووك كەوتەوە
ھۆكاری رووداوەكە دەخرێتەڕوو
K24 - كەركووك
شەوی رابردوو ئاگر لە بازاڕی قەیسەری كەركووك كەوتەوە و بەو ھۆیەوە زۆربەی دوكانی كاسبكارانی ئەو بازاڕە سوتان.
پەیامنێری كوردستان24 لە كەركووك رایگەیاند: "شەوی رابردوو ئاگر لە بازاڕی قەیسەری شاری كەركووك كەوتەوە و بەپێی زانیارییە سەرەتاییەكان زیاتر لە 200 دوكان سوتاون".
پەیامنێرمان گوتیشی: "ھەرچەندە تائێستا بە فەرمی ھۆكاری ئاگر كەوتنەوەكە رانەگەیەنراوە، بەڵام دەگوترێت كە بەھۆی شۆرتی كارەباوە بووە".
بازاڕی قەیسەری كەركووك یەكێكە لە شوێنە مێژووییەكانی شارەكە و مێژووی دروستبوونی بۆ ساڵی 1855 دەگەڕێتەوە و ئەو بازاڕە حەوت دەرگای ھەیە.
