كەسێك لە گەلی عەلی بەگ ھەڵدێرا و گیانی لەدەستدا
پۆلیس زانیاری لەبارەی رووداوەكە دەخاتەڕوو
K24 - سۆران
تەیفور محەمەد، پەیامنێری كوردستان24 لە دەڤەری سۆران رایگەیاند: "ئەمڕۆ كەسێك لە بەرزاییەكانی گەلی عەلی بەگ كەوتە خوارەوە و گیانی لەدەستدا".
رائید سەعدون هاودیانی، بەرپرسی راگەیاندنی پۆلیسی سۆران لە راگەیەندراوێكدا روونیكردەوە: "کاتژمێر 11ی پێش نیوەڕۆی ئەمڕۆ، تیمەکانمان ئاگادار کرانەوە بە بوونی رووداوێك کە هاووڵاتییەك بەناوی عەبدولموتەڵیب محەمەد، لە دایكبووی 2001 لە بەرزایییەکانی گەلی عەلی بەگ کەوتە خوارەوە گیانی لەدەستداوە".
روونیشی كردووەتەوە: "ئەو كەسە قوتابی زانکۆ بووە و دانیشتووی گوندی سرێشمەی سەر بە ناحیە خەلیفان بوو، ئەمڕۆ بە مەبەستی لەوەڕاندنی مەڕوماڵاتەکەیان رووی لەو ناوچەیە کردووە".
