له‌ هه‌ولێر ده‌ست به‌سه‌ر 200 ته‌ن برنج و سركه‌ى به‌سه‌رچوودا گيرا

K24 – هه‌ولێر:

لە شارۆچکەی بنەسڵاوە و کۆمەڵگەی شاوێسی سەر بە هەولێر، تیمەکانی چاودێری بازار بە هاوکاری ئاسایش و پۆلیس دەستيان گرت به‌سه‌ر بڕی نزیکەی دووسەد تەن برنج و سرکەی ماوە بەسەرچوودا.

به‌ گوێره‌ى زانيارييه‌كان، ئه‌و خۆراكه‌ به‌سه‌رچووانه‌ به‌ مه‌به‌ستى خستنه‌بازار هه‌ڵگيرابوون و به‌ بڵاوبوونه‌وه‌يان له‌ بازار مه‌ترسييان له‌سه‌ر ژيان و ته‌ندرووستى هه‌زاران هاووڵاتى درووست ده‌كرد.