8 سه‌ركرده‌ی داعش له‌ كه‌ركووك ده‌ستگیركران

K24- كه‌ركووك:

شانه‌ی راگه‌یاندنی ئه‌منی سه‌ر به‌ وه‌زاره‌تی ناوخۆی عێراق رایگه‌یاند، "له‌ ئۆپه‌راسیۆنێكی هاوبه‌شدا به‌ هه‌ماهه‌نگی له‌ نێوان مه‌فره‌زه‌كانی هه‌واڵگه‌ری پۆلیسی فیدراڵ و به‌ڕێوه‌به‌رایه‌تی هه‌واڵگه‌ری دژه‌ تیرۆر له‌ كه‌ركووك كه‌ هه‌ردووكیان سه‌ر به‌ وه‌زاره‌تی ناوخۆی عێراقن، 8 سه‌ركرده‌ی داعش له‌و شاره‌ ده‌ستگیركران".

له‌ به‌یاننامه‌كه‌دا وته‌بێژی وه‌زاره‌تی ناوخۆی عێراقدا ئاماژه‌ به‌وه‌ داوه‌، "دوای به‌دواداچوونێكی به‌رده‌وام له‌لایه‌ن هه‌واڵگه‌ری ئه‌و دوو ده‌زگا ئه‌منیانه‌وه‌، توانرا ئه‌و 8 سه‌ركرده‌ی داعش ده‌ستگیربكرێن، كه‌ سه‌رجه‌میان له‌ قه‌زای حه‌وێجه‌ به‌ره‌و سه‌نته‌ری شاری كه‌ركووك و ده‌وروبه‌ری رایانكردووه‌".

هه‌روه‌ها دووپاتیكرده‌وه‌، "سه‌ركرده‌ ده‌ستگیركراوه‌كانی داعش له‌لایه‌ن دادگاوه‌ به‌ چه‌ندین تۆمه‌تی وه‌ك كوشتن، كۆچپێكردنی به‌كۆمه‌ڵ و به‌ئامانجكردنی هێزه‌ ئه‌منییه‌كان داواكراون".

ئۆپه‌راسیۆنه‌كه‌ش دوای پێكهێنانی تیمێك ئه‌نجامدراوه‌.

H.B