سیناتۆرێکی ئەمەریکا رێککەوتنی یەپەگە و حکومەتی سووریا بە کارەسات ناو دەبات

K24 – هه‌ولێر:

سیناتۆرێکی ئەمەریکی رێککەوتنی نێوان یەپەگە و حکومەتی سووریا بە کارەسات ناودەبات.

سیناتۆر لینزی گراهام لە هەژماری خۆی لە تۆڕی کۆمەڵایەتی تویتەر نووسیویەتی: "رێککەوتنی نێوان کوردانی سووریا لەگەڵ حکومەتەکەی بەشار ئەسەد کارەساتی لێدەکەوێتەوە و هەلێکی باشە بۆ بەهێزبوونەوەی رێکخراوی داعش لە سووریا".

گراهام دەڵێت: "ئەم رێککەوتنە دەبێتە کابووسێک بۆ تورکیا و ئیسرائیل و براوەکانیش بریتی دەبن لە رووسیا، ئێران، ئەسەد و داعش".

دوای ئەوەی دۆناڵد ترەمپی سەرۆکی ئەمەریکا بڕیاریدا هێزەکانی لە سووریا بکشێنێتەوە، لە یەکەم کاردانەوەیدا، هێزەکانی پاراستنی گەل (یەپەگە) داوای لە سوپای سووریا کرد بگەڕێنەوە شاری منبج، ئەمەش نیگەرانی تورکیا و دڵخۆشی حکومەتەکانی سووریا، رووسیا و ئێرانی لێکەوتەوە.

H.J