كەشناسی: بەفر و باران دەست پێدەكاتەوە

K24 - ھەولێر

بە گوێرەی پێشبینیەكانی كەشناسی، بەفر و باران لە ناوچەكانی ھەرێمی كوردستان دەست پێدەكاتەوە.

بەڕێوەبەری كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینیەكان ئەمڕۆ ئاسمانی ھەرێمی كوردستان نیمچە ھەور دەبێت و لە ئێوارەدا دەگۆڕێت بۆ ھەوری تەواو لە ھەندێك ناوچە ئەگەری بارانبارین ھەیە.

كەشناسی لەبارەی كەشوھەوای سبەی پێشبینی كردووە، بارانبارین لە ھەرێمی كوردستان دەست پێدەكاتەوە و لە ناوچە شاخاوییەكانیش بەفر دەبارێت.