" 37 کەمپی ئاوارە و پەنابەران لە هەرێمی کوردستان هەن"
فەلاح مستەفا: 63% پەنابەر و ئاوارەکان لەناو شارەکان دەژین
K24 - ھەولێر
بەرپرسی فەرمانگەی پەیوەندییەکانی دەرەوەی حکوومەتی ھەرێمی کوردستان ئاشكرای كرد، 37 کەمپی ئاوارە و پەنابەران لە هەرێمی کوردستان هەن و 63% پەنابەر و ئاوارەکان لەناو شارەکان دەژین.
فەلاح مستەفا، بەرپرسی فەرمانگەی پەیوەندییەکانی دەرەوەی حکوومەتی ھەرێمی کوردستان رایگەیاند: "بەپێی دوایین راپۆرتی ناوەندی هاوبەشی هەماهەنگی قەیرانەکان ( جەی سی سی) 249 هەزار و 639 پەنابەری سووری، 20هەزار و 575 پەنابەری تورکی، 13 هەزار و 162 پەنابەری ئێرانی و 756 پەنابەری فەلەستنی لە هەرێمی کوردستان هەن".
گوتیشی: "63%ی ئاوارە و پەنابەران لە شار و ناوچە جیاوەزەکان لەگەڵ دانیشتوانی هەرێمی کوردستان دەژین، هەروەها 37% ئاوارە و پەنابەرەکان لە کەمپەکان دەژین، کە ژمارەیان 37 کەمپە".