له‌ كه‌ركووك ژماره‌يه‌ك دوكانى هاووڵاتيان سووتان

تيمى ئاگركوژێنه‌وه‌ دره‌نگ گه‌يشتووه‌ته‌ شوێنى رووداوه‌كه‌

K24 – كه‌ركووك:

له‌ كه‌ركووك، ژماره‌يه‌ك دوكان و فرۆشگه‌ى هاووڵاتيان ئاگريان تێبه‌ربوو و سووتان.

7 دوكانى تايبه‌ت به‌ جلوبه‌رگ و قوماش، كه‌ ده‌كه‌ونه‌ گه‌ڕه‌كى حوڕييه‌ى كه‌ركووك، به‌ سه‌رجه‌م كه‌لوپه‌له‌كانی ناویانه‌وه‌ سووتان.

خاوه‌ن دوكانه‌كان له‌ باره‌ی هۆكاری سووتانى دوكانه‌كانيان و ئه‌گه‌ری ئه‌وه‌ی كه‌سێك له‌ پشتی ئه‌و كاره‌وه‌ بێت، به‌ كوردستان24 يان ڕاگه‌یاند، كه‌ گومانيان له‌ كه‌س نييه‌.

ئاماژه‌یان به‌وه‌یش كرد، كه‌ تيمى ئاگركوژێنه‌وه‌ دره‌نگ گه‌يشتووه‌ته‌ شوێنى رووداوه‌كه‌.