له‌ حه‌ویجه‌ بۆردومانی چه‌كدارانی داعش كرا

K24 – هه‌ولێر:

لە بۆردوومانێكی ئاسمانیدا 9 چەكداری داعش لە حەویجەی باشووری كەركووك كوژران.

ناوەندی راگەیاندنی ئەمنی عێراق بڵاویكردەوە، ژمارەیەك چەكداری داعش ھێرشیان كردووەتە سەر گوندی وادی خەناجر لە نزیك حەویجەی باشووری كەركووك.

ئه‌و سه‌رچاوه‌یه‌ گوتیشی: دواتر لە لایەن فڕۆكەكانی ھاوپەیمانان و ھێزی ئاسمانی عێراق، بۆردوومان كراون و 9 چەكداری رێكخراوەكە كوژراون.

دوای رووداوەکانی 16ی ئۆکتۆبەری 2017 و کشانەوەی هێزه‌كانی پێشمەرگە لەو ناوچانە، بۆشاییەکی ئەمنی زۆر درووستبووە و كردەوەكانی داعش زیادیان كردووە.