مەسرور بارزانی پرسەنامەیەک ئاراستەی بنەماڵەی پێشمەرگەیەکی دێرین دەکات

K24 – هه‌ولێر:

مەسرور بارزانی، راسپێردراو بۆ پێکهێنانی کابینەی داهاتووی حکوومەت هەرێمی کوردستان، پرسە نامەیەکی ئاڕاستەی خێزانی سابیرعەبدولرەحمان قادر ناسراو بە سابیر بێسەری کرد و هاوخەمی خۆی بەهۆی کۆچی دوایی ئەو پێشمەرگە دێرینە دەربڕی.

دەقی پرسەنامەکەی مەسرور بارزانی بۆ بنەماڵەی سابیرعەبدولرەحمان قادر:

بە داخەوە هەواڵی کۆچی دوایی سابیر عەبدولرەحمان قادر، ناسراو بە سابیر بێسەری، پێشمەرگەی شۆڕشی ئەیلوول، کەسایەتی دیاری ناوچەکە و باوکی شەهیدی تاقانە، کەیوان بێسەریمان پێگەیشت.

هاوبەشی خەمتانین، بەم بۆنەوە پرسە و سەرەخۆشی لە ئێوە و خزم و کەسوکار و دۆستانی خوالێخۆشبوو دەکەین.

لە خوای گەورە داواکارین بە بەهەشتی بەرینی خۆی شاد بکات و سەبووری و دڵنەواییش بە هەموو لایەک ببەخشێ.

انا للە و انا الیە راجعون

براتان

مەسرور بارزانی

4/7/2019

H.J