ھاتووچۆی ھەولێر شوفێران ئاگادار دەكاتەوە

K24 - ھەولێر

بەڕێوەبەرایەتیی ھاتووچۆی ھەولێر شوفێران ئاگادار دەكاتەوە، كه‌ دوای قیڕكردنەوەی بەشێكی دیكەی، شەقامی 100 مەتری دەكرێتەوە و دواتریش چوارڕیانی نزیك بەنزینخانەی ئاكار بە مەبەستی قیڕكردنەوە، دادەخرێت.

ھاتووچۆی ھەولێر رایگەیاند: "ئاگاداری سه‌رجه‌م شوفێران ده‌كه‌ینه‌وه‌، شه‌قامی 100 مه‌تری، ئه‌و به‌شه‌ی كه‌ ده‌كه‌وێته‌ نێوان به‌نزینخانه‌ی ئاكار، تاكوو مزگه‌وتی خه‌دیجه‌ كوبرا، له ‌دوای ته‌واوبونی قیڕكردنه‌وه‌ی، دووباره‌  و به‌ فه‌رمی له‌ رۆژی 1/8/2019 به‌ ڕووی شوفێران ده‌كرێته‌وه‌، هه‌ر له‌گه‌ڵ كردنه‌وه‌ی شه‌قامه‌كه‌، چوارڕیانی به‌نزینخانه‌ی (ئاكار) داده‌خرێت و ته‌نها ده‌كرێت به‌ دووڕیان، واتا ئه‌و شوفێرانه‌ی كه‌ له‌ ترافیك لایتی نه‌مامگه‌وه‌ دێن، بۆ چوونه‌ ئیسكان و گه‌ڕه‌كی كشتوكاڵ له‌ ترافیك لایت ناوه‌ستن و له‌ پێش هوتێلی كریستال پالاس پێچ ده‌كه‌نه‌وه‌، ‌بۆ ئه‌و شوفێرانه‌یش كه‌ له‌ ئیسكانه‌وه‌ به‌ره‌و گه‌ڕه‌كی 94ی باداوه‌ دێن، له‌گه‌ڵ گه‌یشتنیان به‌ شه‌قامه‌كه‌، راسته‌وخۆ به‌بێ وه‌ستان پێچ ده‌كه‌نه‌وه‌ بۆلای راست و به‌ر له ‌گه‌یشتن به‌ تاپۆی دوو پێچ ده‌كه‌نه‌وه‌، به‌مه‌ش جه‌نجاڵیی ئه‌و شوێنه‌ نامێنێت".

بەڕێوەبەرایەتیی ھاتووچۆی ھەولێر داواش لە شوفێران دەكات، پابەندی رێنماییەكان و ئاراستەی رۆیشتن بن.

ھ.م