سهرۆكی ههرێمی كوردستان جهژنی چلهی هاوین له ئێزدیان پیرۆز دهكات
"هیوادارین جهژن و بۆنهكانی داهاتوو له دۆخێكی باشتردا بگێڕن"
.jpg)
K24- ههولێر:
نێچیرڤان بارزانى، سهرۆكی ههرێمی كوردستان له پهیامێكدا جهژنی چلهی هاوین له میری ئێزدیان و جڤاتی روحانیی و تهواوی كوردانی ئێزدی پیرۆز دهكات ، هیوای جهژنێكی پڕ له خێر و خۆشیان بۆ دهخوازێت و ئاماژه بهو نههامهتییانهش دهكات، كه بهسهر كوردانی ئێزدیدا هاتوون، ههروهها ئومێدی گهڕانهوهش بۆ ئێزدییه ونبووهكانی دهست داعش دهخوازێت.
دهقی پیرۆزباییهكهی سهرۆكی ههرێمی كوردستان:
جهژنا چلێ هاڤینێ یا ئێزدییان، ب گەرمى ل میرێ ئێزدییان و جڤاتا رووحانى و ههموو خوشك و برایێن ئێزدی یێن كوردستانێ و جیهانێ پیرۆز دکەم. هیڤیدارم ئهڤ جهژنه ب خێر و شادى ژبۆ هەموو ئێزدییان و كوردستانێ بگشتی ڤهگهڕیت.
د دەمەکێدا جەژنا چلێ هاڤینێ پیرۆز دکەین، ئەم ب ڕێز و شکۆدارى ژى قوربانى یێن كارهساتێن کو هاتنە سەرێ ئێزدییان ببیر تینین و دروود و سلاڤان بۆ گیانێ وان دهنێرین. هیڤیدارین جهژن و بیرهاتنێن بهێن د ڕەوشەکا باشتردا ڤەگەڕن و هەموو خوشك و برایێن مه یێن ئێزدی ل وار و جهێن خۆیێن ئاڤهدانكری ڤەگەڕیابن، وندا و ڕهڤاندى ژی ئازاد بووبن.
جارهكا دی جهژنا چلێ هاڤینێ ل ههموو خوشك برایێن ئێزدی پیرۆز بیت، ههر ساڵ ب خێر و خۆشى.
نێچیرڤان بارزانى، سەرۆکێ هەرێما کوردستانێ، 30/7/2019
H.B