به‌په‌له‌.. دانیلۆ بۆ په‌یوه‌ندیكردن به‌ یوڤێنتۆس گه‌یشته‌ تۆرینۆ

دانیلۆی به‌رگریكاری به‌رازیلی بۆ په‌یوه‌ندیكردن به‌ یانه‌ی یوڤێنتۆس گه‌یشته‌ شاری تۆرینۆی ئیتاڵیا و بڕیاره‌ سبه‌ی چوارشه‌ممه‌ پشكنینه‌ پزیشكییه‌كانی یوڤی تێپه‌ڕ بكات.

یانه‌ی یوڤێنتۆس به‌ فه‌رمی له‌ هه‌ژماری خۆی له‌ تویته‌ر گه‌یشتنی دانیلۆی راگه‌یاند كه‌ پێشبینی ده‌كرێت گرێبه‌سته‌كه‌ی به‌ مووچه‌ی ساڵانه‌ی 4 ملیۆن یۆرۆ بۆ پێنج ساڵ له‌گه‌ڵ خانمه‌پیره‌كه‌ واژۆ بكات.

مانچێسته‌ر سیتی له‌ به‌رامبه‌ر گواستنه‌وه‌ی كانسیلۆ له‌ یوڤێنتۆسه‌وه‌ دانیلۆ و 30 ملیۆن یۆرۆی دایه‌ یوڤێنتۆس.

دانیلۆی 28 ساڵ له‌ هاوینی 2017 له‌ یانه‌ی ریال مه‌دریده‌وه‌ روویكرده‌ مانچێسته‌ر سیتی و له‌ژێر سه‌رپه‌رشتی گواردیۆلا له‌گه‌ڵ سیتیزن به‌شداریی له‌ 65 یاری كرد و 10 گۆڵ و 4 ئاسیستی تۆمار كرد، له‌ هاوینی ئه‌مساڵیش مانسیتی به‌ به‌بێ ئه‌وه‌ی هیچ زه‌ره‌ر بكات به‌ هه‌مان نرخی كه‌ له‌ ریال مه‌دریدی كڕی دانیلۆی فرۆشته‌وه‌ یوڤێنتۆس.