بۆ رێگرتن له بهقاچاغ بردنی نهوت یاسایهكی عێراق له ههرێم بهركار دهكرێت
بڕیارە سبەی سێ شەممە پەرلەمانی کوردستان کۆببێتەوە
K24- ههولێر:
هەرێمی کوردستان لە رێگەی یاساوە رێگری لە بەقاچاغ بردنی نەوت و بەروبوومەکانی دەکات، بۆ ئەم مەبەستەش یاسایەکی عێراق لە هەرێمی کوردستان بەرکار دەکات بە ناوی پرۆژە یاسای بەرکارکردن و هەمواری یاسای بەرەنگاربوونەوەی قاچاغی نەوت و بەروبوومەکانی.
لیژنەی سامانە سروشتیەکانیشی پهرلهمانی كوردستانیش ئاشکرای كرد، وەزارەتی پێشمەرگە و ئاسایش بەپێی ئەم یاسایە لایەنی دەستگیرکردنی قاچاغچیەکان دەبن.
ئەمە لە کاتێکدایە بڕیارە سبەی سێ شەممە پەرلەمانی کوردستان کۆببێتەوە و خوێندنەوەی یەکەم بۆ چەند پڕۆژە و پێشنیازی یاسا بکات، یەکێکیان ئەو پرۆژە یاسایەیە.
لە عێراق و هەرێمی کوردستان چەندین حاڵەتی کونکردنی بۆری نەوت هەبووە جگە لەمەش بردنی نەوت بە تەنکەر یەکێکە لە دیاردەکانی بە قاچاغ بردن بۆ رێگری لەو دياردهیهش هەرێمی کوردستان بە یاسا رووبەڕووی دەبێتەوە و سزای قاچاغچیانیش کە لە یاساکانی گومرگدا هەیە توند دهبێت.