به‌ به‌شداری مه‌سرور بارزانی یادی 70 ساڵه‌ی دامه‌زراندنی كۆماری چین كرایه‌وه‌

K24 – هه‌ولێر:

بە بەشداری مەسرور بارزانی، سه‌رۆكی حكومه‌تی هه‌رێمی كوردستان، رێورەسمێک بۆ یادی 70 ساڵەی دامەزراندنی کۆماری چینی میللی لە شاری هەولێر بەڕێوەچوو.

ئێوارەی ئەمڕۆ بە بەشداری مەسرور بارزانی، سەرۆکی حکوومەتی هەرێمی کوردستان رێوڕەسمێک بۆ یادی 70 ساڵەی دامەزراندنی کۆماری چینی میللی بەڕێوەچوو. لە رێوڕەسمەکەدا پێشانگایەکی وێنەیی لەبارەی پەیوەندییەکان و کار و چالاکییەکانی کونسوڵخانەی چین لە هەرێمی کوردستان کرایەوە.

دواتر کونسوڵی چین لە هەرێمی کوردستان لە وتارێکیدا باسی لە پەیوەندییەکانی نێوان وڵاتەکەی و هەرێمی کوردستان کرد و رایگەیاند، چین دووه‌م گه‌وره‌ترین ئابووری له‌ جیهانە و ساڵانە 30 ترلیۆن دۆلار دهاتی هەیە.

گوتیشی: وڵاتەکەی بژێوی خەڵکی بەرزکردووەتەوە.

کونسوڵی چین هەروەها گوتیشی: وڵاتەکەی سیاسەتی ئاشتی لە دەرەوە پەیڕەو دەکات و دەست لەکاروباری وڵاتان وەرنادات.